monumenta.ch > Hieronymus > bnf9389.377 > bnf17226.189 > csg51.174 > csg75.700 > sectio 25 > sectio 3 > bnf10439.55 v > csg48.105 > bsbClm6436.46 > sectio 13 > bsbClm6329.157 > uwbM.p.th.f.68.83 > Matthaeus, 2 > 66 > sectio 28 > csg68.404 > ad Hebraeos, 325 > uwbM.p.th.f.69.122 > sectio 25 > bnf10439.58 v > bsbClm6329.176 > sectio 14 > sectio 54 > bnfGrec107.999 > Matthaeus, 10 > sectio 9 > 3 > sectio 4

Word Selection for Searching

Report an Error in this Sectio
Seneca Maior, Controversiae, 7, 1, 4
ASINI POLLIONIS. Aequas mihi praebete aures: dabo vobis etiam damnatum absolvendum. 'Vivit' inquit 'frater'; non credo. 'servavit' inquit 'me'; fecisti, ut crederem. Haec est summa rerum gestarum: 'in ea domo, in qua facile parricidium creditum est, ego fratrem occidere non potui, frater patrem. 'Quid mihi cum ista tabula? semel mori volo.' Q. HATERI. Emicabant densis undique nubibus fulmina et terribili fragore horridae tempestates absconderant diem; imbres undique, et omnia procellis saevientia: 'expectat' inquam 'parricidam mare. ' Intumuerat subitis tempestatibus mare iustis quoque navigiis horrendum. fateor, pater, dixi: fratrem tibi, si innocens est, Fortuna, commendo. (Inveni relictum [etiam] a naufragis navigii) fragmentum, infelix etiam navigaturis omen, quod si quis gubernator vidisset, iter suum distulisset. naufragus a litore emittitur.